Jaarboeke

Program: BSc Toegepaste Wiskunde

Code Faculty Duration Credits Download
02133252 Fakulteit Natuur- en Landbouwetenskappe Duur van studie: 3 jaar Totale krediete: 428

Toelatingsvereistes

  •  Ten einde te kan registreer moet NSS/IEB/Cambridge-kandidate voldoen aan die minimum vereistes vir graadstudie asook aan die minimum vereistes van die betrokke studieprogram.
  • Lewensoriëntering word uitgesluit by die berekening van die Toelatingspuntteling (TPT).
  • Graad 11-uitslae word gebruik vir die voorlopige toelating van voornemende studente. Finale toelating is gebaseer op Graad 12-uitslae.

 

Minimum vereistes vir 2016
Prestasievlak
Afrikaans of Engels Wiskunde TPT
NSC/IEB HIGCSE AS-Level A-Level NSC/IEB HIGCSE AS-Level A-Level
5 3 C C 6 2 B B 32
 
Kandidate wat nie aan die minimum toelatingsvereistes vir BSc (Aktuariële en Finansiële Wiskunde) voldoen nie en wat ’n TPT van 30 tot 33 behaal het en minstens 6 vir Wiskunde kan oorweeg word vir toelating tot BSc (Aktuariële en Finansiële Wiskunde) of ’n ander graad in Wiskundige Wetenskappe op grond van die uitslag van die NBT.
 
Kandidate wat nie aan die minimum toelatingsvereistes van die ander studieprogramme voldoen nie kan oorweeg word vir toelating tot BSc (Wiskunde) of BSc (Wiskundige Statistiek) of die BSc (Vierjaarprogram) op grond van die uitslag van die NBT.

 

Ander programspesifieke inligting

Studente mag vir AIM 111 en AIM 121 in plaas van AIM 101 inskryf (dieselfde inhoud oor twee semesters versprei)

Keusemodules: ’n Minimum van 54 keusekrediete op 100- tot 300-vlak kan gekies word uit enige WTW- en WST-modules. Die oorblywende keusekrediete op 100- tot 300-vlak kan gekies word uit enige ander modules uit die lys van modules van hierdie fakulteit.

 

Keusemodules word as volg gekies:

Eerste jaar – 32 krediete

Tweede jaar – 60 krediete

Derde jaar – 54 krediete

'n Student moet al die minimum voorgeskrewe en keusemodules slaag soos uiteengesit aan die einde van elke jaar in ‘n program asook die totale aantal vereiste krediete behaal om te voldoen aan die betrokke graadprogramvereistes. Verwys asseblief na die kurrikulum soos uiteengesit. Ten minste 144 krediete moet op 300-/400-vlak wees, of andersins soos aangedui deur die kurrikulum. Die minimum modulekrediete wat nodig is om te voldoen aan graadvereistes word uiteengesit aan die einde van elke studieprogram. Met betrekking tot die BSc-programme soos aangedui sal ’n maksimum van 150 krediete op 100-vlak erken word.

’n Student mag in konsultasie met die Hoof van die Departement en in oorleg en met die toestemming van die Dekaan, voorgeskrewe modules volg of vervang met modules wat nie aangedui is in die BSc- driejaarstudieprogramme nie en wat die ekwivalent of die maksimum van 36 modulekrediete is. Dit is egter wel belangrik dat die totale aantal voorgeskrewe modulekrediete binne die loop van die graadprogram voltooi word. Die Dekaan mag in die verband, en op aanbeveling van die Departementshoof, afwykings goedkeur. Met betrekking tot die BSc-programme soos aangedui mag ’n student nie vir meer as 75 modulekrediete per semester op eerstejaarvlak registreer nie. ’n Student word slegs in oorleg met en met toestemming van die Dekaan toegelaat om te registreer vir 80 krediete in die eerste semester gedurende die eerste jaar indien die student ’n finale punt van nie minder nie as 70% vir Graad 12 Wiskunde en ’n TPT van 34 of meer behaal het vir die NSS.

Studente wat alreeds in besit van ’n baccalaureusgraad is, kan nie erkenning kry vir modules waarvan die inhoud oorvleuel met modules van die graad wat reeds toegeken is nie. Verder sal krediete ook nie vir meer as 50% oorweeg word nie vir krediete geslaag tydens studie vir ’n vorige onvoltooide graad. Geen krediete op die finale jaar of op 300- en 400-vlak sal goedgekeur word nie.

Die Dekaan kan, op aanbeveling van die programbestuurder, afwykings in die studieprogram goedkeur. Let wel: Waar keusemodules nie spesifiek aangedui word nie, kan enige van die modules wat in die alfabetiese lys van modules voorkom, gekies word. Die onus rus op die studente om voor registrasie seker te maak dat hulle aan die voorvereistes van die modules voldoen Voorvereistes word in die alfabeties modulelys gelys.

Oorgangsmaatreëls

Oorgangsmaatreëls vir Wiskunde-modules vir 2016
Die inligting is slegs in Engels beskikbaar:

  • Students who would have registered for any of the degrees BSc in Environmental Sciences, Geography, Geoinformatics, BCom, BCom in Economics/Statistics or BScIT Information and Knowledge Systems prior to 2016, and not successfully completed WTW 114, WTW 126 or WTW 128 will be allowed to register for WTW 134, WTW 146 and WTW 148, respectively.
  • Students who would have registered for BSc in Geology prior to 2016, and not successfully completed WTW 114, WTW 126 or WTW 128 will be allowed to register for WTW 158, WTW 164 or WTW 124 or WTW 148, respectively.
  • Students who registered prior to 2016, and who failed both WTW 126 and WTW 128 will register for WTW 124 in 2016 if they wish to continue with mathematics at 200 level, or if WTW 126 and WTW 128 are required for their respective degree programmes.
  • Students who do not qualify for WTW 146 and WTW 148 in terms of their degree programmes, and failed one of WTW 126 or WTW 128, will be allowed to register for the respective module in 2016, and will attend the relevant lectures and tutorials of WTW 124. They will write separate semester tests and exams, covering just the relevant material from WTW 124.
  • Students who registered prior to 2016 and passed WTW 126 but not WTW 128, will be allowed to continue with WTW 211 and COS 344 in 2016.
  • Students who registered prior to 2016 and passed WTW 128 but not WTW 126, will be allowed to continue with the modules WTW 220, IAS 211 and GLY 265 in 2016, if they also meet the additional entry requirements.
  • Students who registered prior to 2016, and who failed both WTW 161 and WTW 168 will register for WTW 164 in 2016. 
  • Students who failed one of WTW 161 or WTW 168, will be allowed to register for the respective module in 2016, and will attend the relevant lectures and tutorials of WTW 164. They will write separate semester tests and exams, covering just the relevant material from WTW 164.

Bevordering tot volgende studiejaar

Algemene bevorderingsvereistes in die fakulteit
Alle studente wie se akademiese vordering nie aanvaarbaar is nie se studies kan opgeskort word.

  • 'n Student wat uitgesluit is van verdere studies in terme van die voorwaardes van bogenoemde regulasies, sal skriftelik in kennies gestel word deur die Dekaan of Toelatingskomitee aan die einde van die relevante semester.
  • 'n Student wat uitgesluit is van verdere studies mag skriftelik aansoek doen by die Toelatingskomitee of die Fakulteit Natuur- en Landbouwetenskappe vir hertoelating.
  • Indien die student hertoegelaat word deur die Toelatingskomitee, sal streng voorwaardes gestel word waaraan die student moet voldoen om voort te mag gaan met sy/haar studies.
  • Indien die student nie deur die Toelatingskomitee hertoegelaat word vir verdere studies nie, sal hy/sy skriftelik in kennis gestel word.
  • Studente wat nie deur die Toelatingskomitee hertoegelaat word nie, het die reg om by Senior Appèlkomitee te appelleer. 
  • Enige besluit wat deur die Senior Appèlkomitee geneem word, is finaal.

'n Student word tot die volgende studiejaar bevorder mits hy of sy 100 van die vereiste krediete wat in 'n studiejaar voorgeskryf word, slaag tensy die Dekaan op aanbeveling van die departementshoof anders besluit. 'n Student wat nie aan die vereistes vir bevordering tot die volgende studiejaar voldoen nie, behou krediete vir die modules waarin hy of sy geslaag het, en mag deur die Dekaan, op aanbeveling van die departementshoof, tot hoogstens 48 krediete van die modules van die volgende studiejaar toegelaat word, mits dit by die lesing-/eksamenrooster inpas.

Slaag met lof

'n Student slaag met lof indien hy of sy in een enkele akademiese jaar alle vereiste modules op 300-vlak of hoër slaag en 'n geweegde gemiddelde van minstens 75% in daardie modules behaal, met dien verstande dat  'n subminimum van 65% behaal word in die betrokke modules wat vereis word.


Die inligting wat hier verskyn, is onderhewig aan verandering en kan na die publikasie van hierdie inligting gewysig word.. Die Algemene Regulasies (G Regulasies) is op alle fakulteite van die Universiteit van Pretoria van toepassing. Dit word vereis dat elke student volkome vertroud met hierdie regulasies sowel as met die inligting vervat in die Algemene Reëls sal wees. Onkunde betrefffende hierdie regulasies en reels sal nie as ‘n verskoning by oortreding daarvan aangebied kan word nie.

Copyright © University of Pretoria 2019. All rights reserved.

FAQ's Email Us Virtual Campus Share