| Code | Faculty |
|---|---|
| 10130003 | Fakulteit Gesondheidswetenskappe |
| Credits | Duration |
|---|---|
| Duur van studie: 6 jaar | Totale krediete: 1238 |
| Prof BG Lindeque [email protected] | +27 (0)123541201 |
Elke student in Geneeskunde moet onmiddellik na toelating tot die eerste studiejaar by die Registrateur van die Raad vir Gesondheidsberoepe van Suid-Afrika aansoek doen om registrasie as student in Geneeskunde.
Na verwerwing van die graad moet ’n student by die Raad vir Gesondheidsberoepe van Suid-Afrika as ’n intern registreer en vir minstens een jaar opleiding ondergaan aan ’n inrigting wat deur genoemde Raad vir dié doel goedgekeur is. (Studente wat na Julie 2006 kwalifiseer, sal verplig wees om ’n tweejaar-internskap te voltooi.) Daarna moet hy of sy by die Raad as geneesheer registreer en een jaar gemeenskapsdiens verrig alvorens hy of sy in ’n privaat praktyk kan praktiseer.
Die geïntegreerde, uitkomsgebaseerde probleem-georiënteerde graadprogram bestaan uit teoretiese blokke, spesiale aktiwiteite (SA’s) en kliniese rotasies. Tydens die finale 18 maande, bekend as die Studentinternkompleks (SIK) vind al die programaktiwiteite in die kliniese omgewings plaas.
Die volgende persone sal vir toelating oorweeg word: ‘n kandidaat wat in besit is van ‘n sertifikaat wat deur die Universiteit beskou word as ekwivalent aan die vereiste Graad 12-sertifikaat met universiteitsvrystelling, ‘n kandidaat wat aan ‘n ander tersiêre instelling gegradueer het of aan wie die status van ‘n gegradueerde van sodanige instelling toegeken is, en ‘n kandidaat wat aan ‘n ander fakulteit aan die Universiteit van Pretoria gegradueer het.
Lewensoriëntering word van die TPT-berekening uitgesluit.
Graad 11 se finale-eksamenuitslae, die Nasionale Normtoets (National Benchmark Test – NBT) se uitslae en ‘n Toegevoegdewaardevraelys sal vir die voorlopige toelating van voornemende studente gebruik word.
Toelating tot Gesondheidswetenskappeprogramme is onderhewig aan ‘n keuringsproses.
Aansoeke van internasionale kandidate wat van lande kom met mediese opleidingskole sal nie oorweeg word vir plasing in die MBChB program nie, behalwe waar interregeringssamewerkingsooreenkomte in plek is.
Die som van die uitslae van ses vakke, waaronder Engels, Wiskunde en Fisiese Wetenskap, word vir keuringsdoeleindes bereken.
Kandidate, neem asseblief kennis dat jou TPT nie met meer as twee punte mag daal in die uitslae van jou finale skooleksamen nie ten einde jou voorlopige toelating te behou.
NEEM ASSEBLIEF KENNIS dat voldoening aan die minimum toelatingsvereistes nie noodwendig toelating tot enige program in hierdie Fakulteit waarborg nie.
Navrae oor keuring kan gerig word aan [email protected].
Minimum vereistes | ||||||||||||
Prestasievlak | TPT | |||||||||||
Engels | Wiskunde | Fisiese Wetenskap | ||||||||||
NSS/IEB | HIGCSE | AS-Level | A-Level | NSC/IEB | HIGCSE | AS-Level | A-Level | NSS/IEB | HIGCSE | AS-Level | A-Level | |
5 | 3 | C | C | 5 | 3 | C | C | 5 | 3 | C | C | 35 |
In die eerste studiejaar is daar 300 plekke in die MBChB-graadprogram beskikbaar. Aansoekers vir MBChB I word aan die hand van verskillende kategorieë beoordeel en die minimum toelatingsvereistes word hiervolgens vasgestel.
Belangrik:
Studente het drie evalueringsgeleenthede, naamlik ’n bloktoets, eerste eksamen en tweede eksamen ten einde te slaag in GPS Generiese prosedurevaardighede 280. Alhoewel 'n student nie teruggehou sal word as GPS 280 gedruip word nie, moet die betrokke module teen die einde van die eerste semester van die derde studiejaar geslaag word, in gebreke waarvan die student wel teruggehou sal word in die derde studiejaar.
Vierde studiejaar:
Vyfde studiejaar:
Blok 18 (GNK 585) Farmakoterapie 585 word voorafgegaan deur twee studieweke, naamlik Blok 18a in die 2de jaar, 2de semester en Blok 18b in die 4de jaar, 2de semester.
Let wel: Punte behaal in die oggendrotasies word in berekening gebring by die betrokke blokpunte.
Toelating tot die Studentinternkompleks (SIK):
Tweede helfte van vyfde studiejaar en die sesde studiejaar
Studentinternkompleks (SIK) (18 maande)
SIC Semester (a): Chirurgie en verwante dissiplines en huisartskunde
Totale krediete per semester: 120
SIK Semester (b): Interne geneeskunde en verwante subdissiplines en psigiatrie
Totale krediete per semester: 120
SIK Semester (c): Vroue- en kindergesondheid en gemeenskapsgebaseerde onderrig
Totale krediete per semester: 120
SA13 Spesiale aktiwiteit: Diagnostiese laboratorium-geneeskunde
Totale krediete: 11
Totale krediete Studentinternkompleks 371
SA 13 Diagnostiese laboratoriumgeneeskunde word gevolg deur twee studie-dae, naamlik SA 13a in die 6de jaar, 2de semester.
Rotasie(s) gedruip of nie gepromoveer nie
Slaag van 'n blok/spesiale aktiwiteit in die MBChB-graadprogram
Herhaling van blokke en/of spesiale aktiwiteite (en dus die studiejaar) in die MBChB-graadprogram
’n Student wat een of meer blokke en/of spesiale aktiwiteite in ’n betrokke jaar druip moet die studiejaar herhaal. Sodanige student word egter vrygestel van die blokke en/of spesiale aktiwiteite wat wel in die onsuksesvolle jaar geslaag is.
Die Eksamenmodereringsvergadering en/of die Voorsitter van die Skool vir Geneeskunde behou die reg om slegs ’n slaagpunt in genoemde blokke en/of spesiale aktiwiteite toe te staan, mits die student in daardie blokke en/of spesiale aktiwiteite aan die volgende vereistes voldoen:
Eksamens en slaagvereistes
Ingevolge die bepalings van Algemene Regulasie is daar 'n minimum jaar- of semesterpunt van 40% wat benodig word om tot die eksamen toegelaat te word nie: Met dien verstande dat alle jaar- en semestermodules binne ’n skool nie op dieselfde wyse hanteer hoef te word nie alhoewel ’n groot mate van eenvormigheid gewens is. Die bepaling dat alle studente vrylik tot eksamens toegelaat word, word ondersteun. 'n Finale blokpunt in die betrokke module word egter bereken uit die blokeksamenpunt sowel as die blokpunt wat saamgestel word uit die deurlopende evaluering tydens die aanbieding van die module (dws die semester-, jaar-, module- of blokpunt). Laasgenoemde punt word bereken uit punte behaal in een of meer van die onderstaande:
Die bydrae van elke modaliteit in die berekening van die bogenoemde punt, word in die regulasies uiteengesit en in studiehandleidings opgeneem, en dit word breedvoerig voor die aanvang van die modules aan die betrokke studente verduidelik. So ook die gewig wat aan bogenoemde punte en aan die onderskeie eksamenpunte by die berekening van die finale blokpunt van die student toegeken word, wat wissel tussen 50:50 en 40:60 na gelang van die studierigting, studiejaar en programspesifieke samestelling.
Die belangrikheid van deurlopende evaluering in die assessering van studente is ononderhandelbaar en daarom sal punte in hierdie soort evaluasies in alle modules/vakke deel uitmaak van die finale slaagpunt.
Die slaagsyfer vir skripsies is minstens 50%. Die bepalings van die Algemene Regulasies ten opsigte van slaagvereistes vir verhandelings is mutatis mutandis op skripsies van toepassing.
Vir vereistes in bovermelde verband, raadpleeg ook die studie-handleiding van 'n gegewe blok.
Akademiese uitsluiting van verdere studie
Druipelinge/Toelating tot die tweede semester van MBChB I
Druipelinge/Toelating tot MBChB II
Toelating tot die tweede studiejaar
Om tot die tweede studiejaar toegelaat te word, moet ’n student in al die modules voorgeskryf vir die eerste studiejaar geslaag het.
Druipelinge/Toelating tot MBChB III
Raadpleeg Eksamens en slaagvereistes in verband met studente wat sekere blokke druip en die jaar gevolglik moet herhaal.
Toelating tot die derde studiejaar
Om tot die derde studiejaar toegelaat te word, moet ’n student in al die modules voorgeskryf vir die tweede studiejaar geslaag het met die uitsluiting van SA9.
Druipelinge (derde studiejaar)
’n Student wat enige gegewe blok (d.i. eksamenmodules) druip, moet die derde studiejaar herhaal. Raadpleeg ook die fakulteitsregulasies in verband met studente wat enkele blokke in ’n jaar (en dus die studiejaar) druip.
Toelating tot die vierde studiejaar
Om tot die vierde studiejaar toegelaat te word, moet ’n student in al die modules voorgeskryf vir die derde studiejaar geslaag het. Raadpleeg ook die fakulteitsregulasies in verband met studente wat enkele blokke en dus ’n studiejaar druip.
Druipelinge (vierde studiejaar)
’n Student wat enige gegewe blok (d.i. eksamenmodules) druip, moet die vierde studiejaar herhaal. Raadpleeg die paragraaf oor druipelinge in verband met studente wat enkele blokke in ’n jaar (en dus die studiejaar) druip.
Toelating tot die vyfde studiejaar
Om tot die vyfde studiejaar toegelaat te word, moet ’n student in al die modules voorgeskryf vir die vierde studiejaar geslaag het.
Tweede semester
Die Studentintern-kompleks (SIK) neem ‘n aanvang aan die begin van die tweede semester van die vyfde studiejaar.
Druipelinge
Die graad word met lof aan ’n student toegeken wat ’n gemiddelde van minstens 75% in die Studentinternkompleks-rotasies behaal het.
Studentinterns: MBChB
Alle studente
Studente wat rotasies herhaal: MBChB
Studente wat "finaliste" is op ander tye as die einde van die sesde studie-jaar: MBChB
Minimum krediete: 160
Module-inhoud:
Pas effektiewe soekstrategieë toe in verskillende tegnologiese omgewings. Demonstreer die etiese en regverdige gebruik van inligtingsbronne. Integreer 21ste-eeuse kommunikasie met die bestuur van akademiese inligting.Module-inhoud:
*Hierdie inligting is slegs in Engels beskikbaar.
Proficiency in Academic English used in the basic medical sciences; analysis, synthesis and presentation of select texts prescribed in the second semester. *Presented to students in Health Sciences only.
Module-inhoud:
Die aaneenlopende kliniekbesoekprogram koppel studente van hul eerste tot vyfde jaar aan een van 40 klinieke in Pretoria en die stad se omgewing. Elke student word vir ‘n vierjaarperiode by 'n kliniek in Tshwane, Hammanskraal of Metsweding ingedeel, van die middel van die eerste jaar tot die middel van die vyfde jaar in die geval van mediese studente, en van die middel van die eerste jaar tot die einde van die tweede jaar in die geval van tandheelkundestudente. Studente besoek hierdie klinieke gedurende die blokke en spesiale aktiwiteite soos onderhandel met elke blok- en aktiwiteitshoof. Die aktiwiteite wat in die kliniek gedoen word, is 'n praktiese toepassing van die teorie wat in die klas geleer word met dié voordeel dat dit geskied in die konteks van die pasiënt en in die gesondheidstelsel.Module-inhoud:
Vind, evalueer, prosesseer, bied inligtingbronne aan en bestuur hulle vir akademiese doeleindes deur die gepaste tegnologie te gebruik.Module-inhoud:
Proficiency in academic English by interpreting and contextualising philosophical and sociological texts prescribed during the first semester; medical ethics; study skill improvement. *Presented to students in Health Sciences only.
Module-inhoud:
Verkry, evalueer, verwerk, bestuur en bied inligtingsbronne vir akademiese doeleindes aan deur gebruik te maak van toepaslike tegnologie. Pas effektiewe soekstrategieë toe in verskillende tegnologiese omgewings. Demonstreer die etiese en regverdige gebruik van inligtingsbronne. Integreer 21ste-eeuse kommunikasie met die bestuur van akademiese inligting.Module-inhoud:
Inleiding tot die Studie van Geneeskunde/Tandheelkunde. Inleiding tot die Fakulteit Gesondheidswetenskappe en die studente se interaksie met die Fakulteit. Beskrywing van die kurrikulum en die eise wat dit aan die studente stel. Inleiding tot die beginsels omvat in die “goue drade”. Inleiding tot die kulturele verskille en taboes wat belangrik is vir die gesondheidswerker. Eerste fase in die leer van ‘n nuwe taal – Setswana en Afrikaans.Module-inhoud:
Die bio-psigososiale benadering tot gesondheidsorg; pasiënte binne hul gesins- en gemeenskapsverband, die rol van sielkunde in die generalis se werk; hoe pasiënte by hul siekte aanpas en met spanning saamleef; die gesondheidsorgstelsel in landelike Suid- Afrika; gesondheidsbevordering en -voorligting; die gebruik van elektroniese databasisse.Module-inhoud:
Teorie: Inleiding tot algemene chemie: Meting in chemie, materie en energie, atoomteorie en die periodieke tabel, chemiese verbindings en chemiese bindings, kwantitatiewe verwantskappe in chemiese reaksies, fases van materie en die kinetiese teorie, oplossings en kolloïde, sure, basisse en ioniese verbindings, chemiese ewewig. Inleiding tot organiese chemie: Chemiese binding in organiese verbindings, aard, fisiese eienskappe en benaming van eenvoudige organiese molekules, isomerie, chemiese eienskappe van alkane en sikloalkane, alkene, alkohole, aldehiede en ketone, karboksielsure en esters, amiene en amiede, koolhidrate, proteïne en lipiede.
Module-inhoud:
Die aanleer van ‘n basiese, medies-georiënteerde woordeskat saamgestel uit Latynse en Griekse stamvorme verbind met voor- en agtervoegsels afkomstig uit hierdie tale. Die wyse waarop die betekenisse van mediese terme bepaal word deur die ontleding van mediese terme in hul herkenbare betekenisdraende, samestellende dele word onderrig en ingeoefen. Die funksionele gebruik van mediese terme in konteks as praktiese uitkoms van terminologiese toepassing geniet deurlopend aandag.Module-inhoud:
Eenhede, vektore, kinematika, dinamika, arbeid, ewewig, klank, vloeistowwe, warmte, termodinamiese prosesse, elektriese potensiaal en kapasitansie, direkte en wisselstroom, optika, atoomfisika, X-strale, radioaktiwiteit.
Module-inhoud:
Inleidende beginsels tot kliniese farmakoterapie aan die hand van toepaslike pasiëntprobleme/siekteprosesse; reseptore vir geneesmiddels; beginsels van struktuuraktiwiteitsverwantskappe; dinamiese en kinetiese beginsels om farmakologiese beginsels en kliniese terapie by mekaar uit te bring in ‘n probleemgebaseerde kurrikulum.Module-inhoud:
Die module behels basiese psigologie- en sosiologiekonsepte soos toepaslik vir Geneeskunde en Tandheelkunde, in die geval van BChD-studente.
Basiese psigiatriese begrippe word ook aangespreek.
Module-inhoud:
(a) Molekuul tot sel (2 weke) Beginsels van fisiologie, chemie en genetika soos op die mens van toepassing. Makromolekules, lipiede, koolhidrate en proteïene. Inleidende genetika: Molekulêre evolusie, geenstruktuur en transmissie, genetiese beheer van selsiklus en genetiese defekte. Impulsgeleiding en spiersametrekking. senuweepotensiale. (b) Sel tot weefsel (4 weke) Gametogenese, embriogenese, embriopatie, weefselleer en voorkoms van die verskillende weefseltipes. Die immuunsisteem en komponente daarvan. Weefselspesifisiteit, genetiese beheer van ekspressie en faktore wat geen-ekspressie beïnvloed. (c) Weefsel tot organisme (2 weke) Anatomiese terminologie en inleiding tot sistemiese en funksionele organisasie van die liggaam. Rangskikking van weefsels in organe. Die lewenstadia van die mens.Module-inhoud:
Hierdie module is ‘n inleiding tot wetenskapfilosofie en die geskiedenis van die wetenskap in die breë. Die volgende is voorbeelde van temas en tydperke wat bespreek kan word: Wêreldbeskouings in antieke Griekeland; Sokrates; Plato – die grondlegger van die Westerse denke; Aristoteles – die vestiging van ’n nuwe tradisie; Leonardo da Vinci; die vestiging van die moderne wetenskap; die wonderjare van die 17de eeu – die hoogbloei van die wetenskappe en filosofie; die opkoms van die meganika; ’n drastiese wending in die sieninge van die mens – die opkoms van die sielkunde; hoe die relatiwiteitsteorie ons siening van die kosmos verander het; die kwantumteorie en die implikasies daarvan vir die moderne wêreldbeskouing; die biologiese wetenskappe en die geheime van die lewe; Opkoms en rol van sielkunde. die neurowetenskappe; die plek, rol en nut van filosofiese denke in die wetenskappe.Module-inhoud:
Inleidende studie van die ultrastruktuur, funksie en samestelling van verteenwoordigende selle en selkomponente. Algemene beginsels van selmetabolisme, molekulêre genetika, selgroei, seldeling en seldifferensiasie.
Minimum krediete: 176
Module-inhoud:
Die aaneenlopende kliniekbesoekprogram koppel studente van hul eerste tot vyfde jaar aan een van 40 klinieke in Pretoria en die stad se omgewing. Elke student word vir ‘n vierjaarperiode by 'n kliniek in Tshwane, Hammanskraal of Metsweding ingedeel, van die middel van die eerste jaar tot die middel van die vyfde jaar in die geval van mediese studente, en van die middel van die eerste jaar tot die einde van die tweede jaar in die geval van tandheelkundestudente. Student ebesoek hierdie klinieke gedurende die blokke en spesiale aktiwiteite soos onderhandel met elke blok- en aktiwiteitshoof. Die aktiwiteite wat in die kliniek gedoen word, is 'n praktiese toepassing van die teorie wat in die klas geleer word met dié voordeel dat dit geskied in die konteks van die pasiënt en in die gesondheidstelsel.Module-inhoud:
Teorie en praktiese inoefening van basiese noodsorg.Module-inhoud:
*Hierdie inligting is slegs in Engels beskikbaar.
Basic principles of pathology and immunology applicable to disease processes. The principles of tumour genetics, pathology and dissemination of tumours.
Module-inhoud:
Hierdie inligting is slegs in Engels beskikbaar.
Interdisciplinary module with a large Physiology component.
Module-inhoud:
*Hierdie inligting is slegs in Engels beskikbaar.
The study of micro organisms which cause disease in the human body. This module entails the study of the interaction of micro-organisms with the human host which results in disease.
Module-inhoud:
Die bio-psigososiomodel van siekte; die SIAMS-raamwerk vir die konsultasie; oppervlaksanatomie; die geïntegreerde bestuur van kindersiekte (IMCI); algemene fisiese ondersoekvaardighede en bekendstelling aan kliniese departemente.Module-inhoud:
Klinies-toegepaste regionale disseksie van die boonste ledemaat, nek en rug, kop, brein, toraks, abdomen, bekken en onderste ledemaat.Module-inhoud:
a) Mense en hul omgewing (4 weke)
Interpersoonlike vaardighede; kontekstuele en omgewingsaspekte waarbinne pasiënte ontwikkel en leef met hul besondere probleme; geneeskundige etiek rakende die gemeenskap, pasiënte en die geneeskundige professie; die rol en verpligtinge van die geneesheer in die Suid-Afrikaanse regstelsel veral rakende interpersoonlike geweld in die gemeenskap, beserings, die sterwensproses en die dood; genetiese gestremdheid in die Suid-Afrikaanse gemeenskap; gesondheid en gesondheidsnavorsing in die gemeenskap. Hierdie afdeling word slegs deur mediese studente geneem.
Minimum krediete: 198
Module-inhoud:
Bespreking van die belangrike siektes, ten einde ’n geheelbeeld van die siekte te verkry wat anatomie, fisiologie, patologie, farmakologie en kliniese geneeskunde insluit.Module-inhoud:
Bespreking van die belangrike siektes, ten einde ’n geheelbeeld van die siekte te verkry wat anatomie, fisiologie, patologie, farmakologie en kliniese geneeskunde insluit.Module-inhoud:
Die aaneenlopende kliniekbesoekprogram koppel studente van hul eerste tot vyfde jaar aan een van 40 klinieke in Pretoria en die stad se omgewing. Elke student word vir ‘n vierjaarperiode by 'n kliniek in Tshwane, Hammanskraal of Metsweding ingedeel, van die middel van die eerste jaar tot die middel van die vyfde jaar in die geval van mediese studente, en van die middel van die eerste jaar tot die einde van die tweede jaar in die geval van tandheelkundestudente. Studente besoek hierdie klinieke gedurende die blokke en spesiale aktiwiteite soos onderhandel met elke blok- en aktiwiteitshoof. Die aktiwiteite wat in die kliniek gedoen word, is 'n praktiese toepassing van die teorie wat in die klas geleer word met dié voordeel dat dit geskied in die konteks van die pasiënt en in die gesondheidstelsel.Module-inhoud:
(a) Buik en buikklagtes (b) Mamma Studie van die anatomie en funksies, asook die siektes van die verskillende organe in die buikholte, insluitend toestande van die buikwand. Verder word die kliniese toestande van die mamma gedoseer.Module-inhoud:
(a) Swangerskap (b) Neonatologie Die studie van normale fisiologie komplekse en patologiese toestande rakende swangerskap en geboorte. Daar word gebruik gemaak van verskillende leergeleenthede en -situasies, insluitend voorgeboorteklinieke, kraamsale en neonatale eenhede. Klem word geplaas op die verkryging van wetenskaplik gefundeerde inligting, asook die aanleer van belangrike praktiese en kliniese vaardighede. Die gedragswetenskappe figureer ook in die blok en die maatskaplike, gesins- en gemeenskapsverwante aspekte word aangespreek. (c) Groei en ontwikkeling (2 weke) Die studie van die unieke aspekte van die fisiese groei en neuro- ontwikkeling van ’n normale kind. Leergeleenthede word aan die student gebied om probleme rakende die groei en ontwikkeling te identifiseer, asook om kinders met abnormale groei en ontwikkeling te evalueer en te hanteer. Klem word geplaas op die voorkoming, evaluering en hantering, asook die effektiewe behandeling met besliste gevolg. Hierdie blok integreer met die vorige blok ten einde die student in staat te stel om die kontinuum van groei en neuro-ontwikkeling vanaf die voorgeboorte tot nageboorte milieu te verstaan.Module-inhoud:
Hematologiese kwaadaardige neoplasie: Basiese en kliniese inligting met betrekking tot hierdie groep siektes, insluitend geneesbaarheid, met betrekking tot limfome, leukemieë, miëlo-proliferatiewe asook immunoproliferatiewe siektes.Module-inhoud:
Geleentheid vir die voorgraadse student om kennis, vaardighede en ondervinding in die mediese praktykomgewing op te doen.Minimum krediete: 219
Module-inhoud:
Bespreking van die belangrike siektetoestande van die sentrale, perifere en outonome senuweestelsel, ten einde 'n geheelbeeld van die spesifieke siektes te verkry, wat anatomie, fisiologie, patologie, farmakologie, kliniese neurologie, kliniese neurochirurgie en neuropediatrie insluit.Module-inhoud:
Die blok bied aan die student die geleentheid om deur middel van lesings, seminare, selfstudie en praktiese sessies in die kliniek, teater, saal, asook die vaardigheidslaboratorium, kennis en vaardighede te bekom ten opsigte van die voorkoming, diagnosering en behandeling van siektetoestande in die kop- en nekgebied. Klem word gelê op ‘n probleemgerigte en interdissiplinêre benadering.Module-inhoud:
Die aaneenlopende kliniekbesoekprogram koppel studente van hul eerste tot vyfde jaar aan een van 40 klinieke in Pretoria en die stad se omgewing. Elke student word vir ‘n vierjaarperiode by 'n kliniek in Tshwane, Hammanskraal of Metsweding ingedeel, van die middel van die eerste jaar tot die middel van die vyfde jaar in die geval van mediese studente, en van die middel van die eerste jaar tot die einde van die tweede jaar in die geval van tandheelkundestudente. Studente besoek hierdie klinieke gedurende die blokke en spesiale aktiwiteite soos onderhandel met elke blok- en aktiwiteitshoof. Die aktiwiteite wat in die kliniek gedoen word, is 'n praktiese toepassing van die teorie wat in die klas geleer word met dié voordeel dat dit geskied in die konteks van die pasiënt en in die gesondheidstelsel.Module-inhoud:
Module 1: Genitale toestande Module 2: Urienwegsiektes 'n Studie van die siektes van die urienweg en die geslagstelsel in mans en in vroue. Teoretiese en praktiese onderrig word gebruik om basiese wetenskap en kliniese geneeskunde te integreer. Belangrike kliniese vaardighede moet bemeester word.Module-inhoud:
Geleentheid vir die student om kennis te maak met die mees algemene endokrinologiese probleme in die praktyk, insluitend diabetes en obesiteit. Die klem val op herkenning van hierdie probleme en hul praktiese hantering.Module-inhoud:
‘n Leergeleentheid vir die voorgraadse student om: (i) die algemene praktisyn of huisarts in praktyk te beleef, (ii) die ongeselekteerde pasiënt te ontmoet en (iii) probleme waarmee in primêre sorg te kampe gekry word, eerstehands waar te neem. Die probleme omvat biomediese, psigososiale en bestuursuitdagings.Module-inhoud:
Bespreking van die fisiologie en psigologie van veroudering en 'n oorsig van siektes wat algemeen by bejaardes voorkom, met 'n biomediese psigososiale benadering.Module-inhoud:
'n Studie van die bou en funksies, asook die siektes van die muskuloskeletale bewegingsapparaat in volwassenes en kinders, met die klem op die diagnose en behandeling van die belangrikste toestande, asook die aanleer van belangrike praktiese en kliniese vaardighede.Module-inhoud:
Kliniese manifestasies en behandeling.Module-inhoud:
Die module is ontwerp om studente te help om kennis, vaardighede en houdings aan te leer wat hulle in staat sal stel om die besondere behoeftes en gevoeligheid van kinders met betrekking tot ontwikkeling, voeding, omgewing en aanpassing te verstaan en daarop te reageer; algemene en belangrike afwykings van ontwikkeling, voeding, omgewing en aanpassing te kan identifiseer deur middel van geskiedenis en ondersoek en dit effektief te kan hanteer; en algemene en belangrike gesondheidsprobleme van die baba- en kinderleeftyd te kan identifiseer deur middel van geskiedenis en ondersoek en dit effektief te kan hanteer. Tydens die oggendperiodes word studente direk blootgestel aan pediatriese pasiënte en hul probleme deur middel van kleingroepaktiwiteite by 'n reeks verskillende leergeleenthede. Die namiddagperiodes word gebruik vir verteenwoordigende gevallestudies betreffende ’n reeks algemene of belangrike temas, wat geïllustreer word deur multi-dissiplinêre simposia, lesings, probleemoplossingsoefeninge en selfstudie.Minimum krediete: 114
Module-inhoud:
Die module is ontwerp om studente te help om kennis, vaardighede en houdings aan te leer wat hulle in staat sal stel om sekere psigiatriese toestande te diagnoseer en hanteer. Voorkomende en bevorderende aspekte van hantering word ook beklemtoon. Hierdie psigiatriese toestande sluit die volgende in: gemoedsversteurings, angsversteurings, alkohol- en substansverwante versteurings, seksuele versteurings, skisofrenie en ander psigotiese versteurings, geestesversteurings vanweë algemene mediese toestande, persoonlikheidsversteurings, eetversteurings en slaapversteurings. Hierdie onderwerpe sal gedek word soos van toepassing op kinders, jongmense en volwassenes. Addisionele onderwerpe sluit in: wetlike aspekte, aggressie, kindermishandeling, kinderontwikkeling, geestesvertraging en interpersoonlike vaardighede. Tydens die oggendperiodes word studente direk blootgestel aan psigiatriese pasiënte en hul probleme deur middel van kleingroepaktiwiteite. Die namiddagperiodes word gebruik vir die oplos van probleemgeoriënteerde gevallestudies en begeleide eksplorasie van bogemelde temas. Die module is student-gesentreerd en selfstudie word beklemtoon.Module-inhoud:
Die doel van hierdie module is om die konsepte van Huisartskunde en Gemeenskapsgesondheid te integreer vir die lewering van gesondheidsorg in Suid- Afrika. Die module-inhoud dek medies-geregtelike aspekte in die praktyk, etiese kwessies asook die benadering tot algemene probleme in die praktyk, met die klem op die toepassing van die bio-psigososiale model van sorg in die Suid-Afrikaanse Distriksgesondheidstelsel.Module-inhoud:
Die blok bestaan uit twee modules; een prakties en die ander teoreties. Die doel van trauma-prakties is om studente bekend te stel aan die kliniese herkenning van trauma-noodgevalle, hoe om nood-ressusitasie te begin, en die aanwending van metodes met die oog op lewensredding en -ondersteuning en noodbehandeling van die trauma slagoffer. Studente word met behulp van rolspel deur akteurs/modelle, die Advanced trauma life support (ATLS) (ABCDE)-benadering tot trauma geleer. Trauma-teorie is ‘n inleiding tot die volle spektrum van trauma as ‘n siekte. Die epidemiologie van trauma, meganismes waardeur wonde toegedien word, insluitend ballistiek; die biologiese reaksie op trauma, genesing van wonde en trauma-komplikasies, word onderrig. Noodbehandeling, resussitasie en intensiewesorgbehandeling van die trauma-slagoffer word gedek. ‘n Sistematiese kursus word op ‘n tema-basis aangebied om die prioritisering van die hooforgaanstelsels volgens die ATLS-tipe benadering tot beserings wat die lewe of die ledemate bedreig, of tot skending kan lei, te dek. Toraks-, kardiovaskulêre, abdominale en kop- en nektrauma word aldus as potensiële lewensbedreigende beserings hanteer, ortopediese trauma as ledemaatbedreigend, en velbeserings hoofsaaklik as skendende beserings. Termale, elektriese en chemise brandwonde asook vrieswonde word gedek. Inleiding tot fisiese en sielkundige rehabilitasie en voeding van die trauma-slagoffer word ook behandel.Module-inhoud:
Interne geneeskunde (7 weke) in die Studenteinternkompleks.Module-inhoud:
Psigiatrie (7 weke) in die Studenteinternkompleks.Module-inhoud:
Geregtelike geneeskunde-oggendrotasie.Module-inhoud:
Die aaneenlopende kliniekbesoekprogram koppel studente van hul eerste tot vyfde jaar aan een van 40 klinieke in Pretoria en die stad se omgewing. Elke student word vir ‘n vierjaarperiode by 'n kliniek in Tshwane, Hammanskraal of Metsweding ingedeel, van die middel van die eerste jaar tot die middel van die vyfde jaar in die geval van mediese studente, en van die middel van die eerste jaar tot die einde van die tweede jaar in die geval van tandheelkundestudente. Studente besoek hierdie klinieke gedurende die blokke en spesiale aktiwiteite soos onderhandel met elke blok- en aktiwiteitshoof. Die aktiwiteite wat in die kliniek gedoen word, is 'n praktiese toepassing van die teorie wat in die klas geleer word met dié voordeel dat dit geskied in die konteks van die pasiënt en in die gesondheidstelsel.Module-inhoud:
Neurologie in die Studenteinternekompleks.Module-inhoud:
Basiese inleiding tot die onderliggende grondbeginsels van die teorie en praktyk van anestesiologie toepaslik vir die generalis. Leergeleenthede behels praktiese inwoning (voor Blok 18), formele interaktiewe lesings, werkswinkels en gevallestudies (tydens Blok 18).Module-inhoud:
Kernfarmakoterapie-aspekte en toepaslike kliniese aspekte van die mees algemene en belangrike siektes en toestande, beginsels van toksikologie en medies-geregtelike aspekte van substansmisbruik, hofverrigtinge en iatrogene sterftes.Minimum krediete: 371
Module-inhoud:
Pediatrie (7 weke) in die Studenteinternkompleks.Module-inhoud:
Ortopedie (drie weke) in die Studenteinternkompleks.Module-inhoud:
Neurologie in die Studenteinternekompleks.Module-inhoud:
Psigiatrie (7 weke) in die Studenteinternkompleks.Module-inhoud:
Urologie (2 weke) in die Studenteinternkompleks.Module-inhoud:
Chirurgie (7 weke) in die Studenteinternkompleks: Algemene chirurgie, vaskulêre chirurgie, plastiese chirurgie, kinderchirurgie, kardiotorakale chirurgie.Module-inhoud:
Anestesiologie (3½ weke) in die Studenteinternkompleks.Module-inhoud:
Diagnostiese laboratoriumgeneeskunde (twee weke) ; Beeldvormende geneeskunde; getuienisgebaseerde geneeskunde en bio-etiek (2 dae) in die StudenteinternkompleksModule-inhoud:
Interne geneeskunde (7 weke) in die Studenteinternkompleks.Module-inhoud:
Gemeenskapsobstetrie (3½ weke) in die Studenteinternkompleks.Module-inhoud:
Obstetrie en ginekologie (7 weke) in die Studenteinternkompleks.Module-inhoud:
Gemeenskapsgebaseerde onderrig (3½ weke) in die Studenteinternkompleks.Module-inhoud:
Huisaartskunde (3½ weke) in die Studenteinternkompleks.Copyright © University of Pretoria 2024. All rights reserved.
Virtual Campus
Get Social With Us
Download the UP Mobile App