Module-inhoud |
Nie aangebied in 2014 nie Keuse uit die volgende temas: Letterkunde en historiografie Die teenwoordigheid van “geskiedenis” in literêre tekste uit verskillende tale en tydperke; die vervaging van dissiplinêre grense tussen geskiedenis en literatuur en die rol van “narratiwiteit” daarin; literatuur se funksie in die skep van “sosiale geheue”; historiografiese metafiksie; studie van tekste (literêr en histories) uit verskillende tale en tydperke. of Reistekste en postkoloniale denke Voëlvlug oor die geskiedenis en aard van reisliteratuur (genres, plekke, onderwerpe); die teorie van reisliteratuur; reisliteratuur/reistekste binne die konteks van teorieë oor byvoorbeeld representasie, stereotipes, imperialisme, kolonialisme, postkolonialisme, diaspora, “nomadisme”, multikulturaliteit, nasionalisme, identiteit, gender, vertaling, kuberruimte; verhoudinge tussen kultuur en mag; narratiewe konvensies en “waarheid”; kannibalisme as troop van “andersheid”; studie van toepaslike tekste uit verskillende tale. of (Outo)biografie in wêreldletterkunde Voëlvlug oor die geskiedenis en aard van biografie en outobiografie; biografie, outobiografie en hulle verhouding tot ander genres; biografieë en outobiografieë deur en oor vroue; teorieë oor subjektiwiteit en identiteit (“self”), feit en fiksie, objektiwiteit en representasie; studie van toepaslike tekste. of Mediagenreteorie Genreteorie soos dit toegepas word op die terrein van die media- en kultuurstudie. Die faktore wat genrevorming beïnvloed, interne en eksterne kenmerke sowel as die resepsie van mediaprodukte sal in die module aandag kry. of Afrika: denke, media en kultuur Die tekste en praktyke van leidende Afrika kulturele, literêre en mediafigure en sosiale bewegings sal bespreek word met verwysing na hul bydrae tot die ontwikkeling van Afrika-denke en kultuur. Figure soos Achebe, Biko, Cesaire, Garvey, Fanon, Mazrui, Rodney, Senghor en Soyinka sal in hierdie module bespreek word. |
Get Social With Us
Download the UP Mobile App