E-pos ons

FAQ

Geskiedenis van die Universiteit van Pretoria

Die Universiteit van Pretoria het ontstaan in die Pretoria-sentrum van die Transvaal Universiteitskollege wat in 1908 sy deure vir studente geopen het. Die informele naam van die Universiteit, Tuks of Tukkies, is ‘n verbuiging van die afkorting vir die kollege – TUK.

Die kollege het as ‘n Engels-medium inrigting in Kya Rosa begin – ‘n vierslaapkamer huis in Pretoria se stadskern. Vier professore en drie dosente het vir die eerste 32 ingeskrewe studente klasse in Nederlands en ander Moderne Tale aangebied, soos Engels Taal en Literatuur; Klassieke Studies (wat Filosofie, Latyn en Hebreeus ingesluit het), asook Natuurwetenskappe.

Op 10 Oktober 1930 het die Parlement wetgewing op voorstel van generaal Jan Smuts gepromulgeer en die TUK se naam is na die Universiteit van Pretoria verander. Ten tye het UP meer as 900 studente gehad – die grootse tersiêre instansie in die land.

Vandag het UP meer as 50 000 studente en is dit een van die leidende hoëronderwysinstellings op die kontinent en selfs in die wêreld. Kursusse word nou in Afrikaans en Engels aangebied en is in pas met die res van Suid-Afrika. Die Universiteit het nie meer hoofsaaklik blanke en Afrikaanse studente nie, maar het getransformeer na 'n multikulturele, veelrassige universiteit wat kwaliteitonderrig aan alle Suid-Afrikaners bied.

 

 

Deel hierdie blad
Geredigeer deur Zamandina MthembuEdit