Die Universiteit van Pretoria streef daarna om -

• 'n leier op die gebied van hoër onderwys te wees en as sodanig internasionale erkenning te geniet vir akademiese uitnemendheid en ‘n fokus op kwaliteit
• ‘n universiteit te wees wat deur voortgesette innovasie bekend is vir sy internasionale mededingendheid en plaaslike relevansie
• die voorkeurkeuse te wees vir studente, personeel, werkgewers van graduandi asook diegene wat navorsingsoplossings verlang
• ‘n universiteit met ‘n inklusiewe en bemagtigende, waardegedrewe organisasiekultuur te wees, wat ‘n intellektuele tuiste bied aan Suid-Afrika se ryke diversiteit van akademiese talent
• die voorste Suid-Afrikaanse universiteit te wees wat sy prominente rol in Afrika erken, daarna strewe om ‘n simbool van nasionale aspirasie en hoop, versoening en trots te wees wat daartoe verbind is om sy sosiale verantwoordelikhede na te kom.

Missie

Die missie van die Universiteit van Pretoria is om as 'n Suid-Afrikaanse opleidings- en navorsingsuniversiteit en gewaardeerde lid van die wêreldwye gemeenskap van akademiese instellings -

• uitnemende onderrig in 'n wye verskeidenheid akademiese dissiplines te bied
• die wetenskap te bevorder deur
  – kennis te skep, te bevorder, toe te pas, oor te dra en te bewaar
  – kritiese en onafhanklike denke aan te moedig
• geleenthede vir buigsame, lewenslange leer te skep
• akademies verantwoordbare en sosiaal sinvolle navorsing te bevorder, met spesifieke verwysing na opkomende ekonomieë
• studente te bemagtig om afgeronde, skeppende asook verantwoordelike, produktiewe burgers en toekomstige leiers te word deur
  – uitnemende akademiese opleiding te verskaf
  – die ontwikkeling van hul leierskapvermoë asook die verwesenliking van hul potensiaal om wêreldklas, innoverende graduandi met mededingende vaardighede te wees
  – die belangrikheid van ‘n positiewe waarderaamwerk by hulle te vestig
  – hul vermoë te ontwikkel om by die snelveranderende inligtingsera aan te pas
  – hulle aan te moedig om deel te neem aan en te presteer in sport, kultuuraktiwiteite en die kunste
• plaaslik relevant te wees deur
  – die bevordering van gelykheid, toeganklikheid, gelyke geleenthede, regstelling, transformasie en diversiteit
  – ‘n bydrae te lewer tot welvaart, mededingendheid en lewenskwaliteit in Suid-Afrika
  – te help om te voorsien in die opvoedkundige, kulturele, ekonomiese, wetenskaplike, tegnologiese, industriële, sosiale, gesondheids- en omgewingsbehoeftes van die land
  – aktief en konstruktief betrokke te wees by gemeenskapsontwikkeling en -diens
  – sensitief te wees vir die eise van die tyd en ‘n proaktiewe bydrae te lewer tot ‘n positiewe toekomsverwerkliking
• 'n intellektueel stimulerende en kultureel dinamiese, aangename en veilige omgewing te skep waarbinne studente en personeel kan gedy
• benewens goeie korporatiewe beheer, verbind te wees tot ‘n effektiewe, doeltreffende, sorgsame en innoverende benadering tot onderrig, navorsing en gemeenskapsdiens, kliëntgesentreerde bestuur en administrasie.